Tanzania Wafumua Mtandao Mzito Wa Majangili

Serikali ya Tanzania kupitia kikosi maalumu kilichopewa kazi ya kuchunguza mtandao wa Ujangili kwa miaka miwili  kimefanikiwa  kuwakamata watuhumiwa  takribani 40 wanaodaiwa kujihusisha na baiashara haramu ya pembe za ndovu.
Kwa  mujibu wa mkuu wa kitengo cha kupambana na ujangili wa mamlaka ya hifadhi ya ngorongoro (NCAA)  Robert Mande alisema kwamba mafanikio ya kuufumua mtandao huo yanatokana na ushirikiano wa vikosi vya kuzuia ujangili, katika mamlaka ya hifadhi ya Ngorongoro hifadhi ya Serengeti, Manyara na Tarangire.
Aliongeza kuwa changamoto katika kupambana na majangili hao ni ukubwa na uzito walio nao watuhumiwa wa mtandao huo.
Inadiawa kuwa wanaojihuisha na ujangili ni  watu wa ngazi mbali mbali wakiwemo wataalamu wa kuua  tembo na kutoa meno kwa muda  mfupi, madalali, ambao  wamekuwa wakipewa mikopo ya magari, silaha na mahitaji mengine ya kufanya ujangili ili kufanikisha kazi hizo  pamoja na kutoa  rushwa kwa  baadhi ya watendaji wanaojaribu kukwamisha kazi yao.
Katika hatua nyingine, Mapambano zaidi yanahitajika dhidi ya vitendo vya ujangili kwa kuwa inaonekana wazi kwamba baadhi ya majangili ni watu maarufu na pengine wana ushawishi  mkubwa katika jamii. Suala la Msingi ni kutowafumbia macho majangili hao, kwa kufanya hivyo kamwe adhma ya kukomesha vitendo vya ujangili  nchini Tanzania havitakoma